Հալէպի մասին՝ հալէպցիի մը հետ
Մեր բանաւոր պատմութիւններու հարցազրոյցները սկիզբ առին Յունիս 2020-ին, «Մէկ ժամ Հալէպի մասին՝ հալէպցիի մը հետ» խորագիրով։ Ամէն Շաբաթ կը խօսինք հալէպցիի մը հետ, իր կեանքի մասին։ Այս հարցազրոյցներուն նպատակն է բանաւոր պատմութիւններու միջոցով ցոյց տալ Հալէպի հայկական կեանքի զանազան կողմերը:
Դիտեցէ՛ք մեր վերջին հարցազրոյցը
Ծանօթացէ՛ք մեր հիւրին
Հալէպի մասին Յովաննէս Մուպայէտի հետ
Ծնած է Հալէպ 1970-ին, Լազար Նաճարեան Գալուստ Կիւլպենկեան վարժարանի շրջանաւարտ է: Իր երաժշտական կրթութիւնը ստացած է Հալէպի Պետական Երաժշտանոցը, ապա աշխատած նոյն դպրոցի մէջ իբր սոլֆէժի եւ ջութակի դասատու: Նուագած է տարբեր խումբերու մէջ, եւ հիմնած է ՀԲԸՄ- Կոմիտասի անուան սենեկային նուագախումբը : Պատերազմի պատճառով տեղափոխուած է Հայաստան եւ ապա Գանատա ուր կը շարունակէ իր աշխատանքը որպէս երաժիշտ-ջութակահար: